DTI.AL – Grant për 3 ide startup-i nga studentë

Dec 8
DTI.AL shpall thirrjen për aplikime për një program grantesh që mbështet 3 ide startup-i nga studentë me potencial sipërmarrës. Qëllimi është të ndihmohen të rinjtë që duan të kthejnë idetë e tyre në projekte konkrete biznesi, veçanërisht në fusha si:

  • Digital Marketing
  • IT & Software Development
  • AI
  • Edukim Online
  • Shërbime Kreative dhe Produkte Dixhitale

📅 Periudha e aplikimit: nga 20 Dhjetor 2025 deri më 30 Janar 2026, ora 23:59.

Kush mund të aplikojë dhe çfarë ofrohet?

Kush mund të aplikojë dhe çfarë ofrohet?

Të drejtë aplikimi kanë:

  • Studentë aktualë
  • Studentë që kanë përfunduar studimet gjatë 2 viteve të fundit (gimnaz, bachelor apo master, në Shqipëri ose jashtë, me origjinë shqiptare).

Aplikimi mund të bëhet:
  • individualisht, ose
  • në grup deri në 3 persona (me një person përgjegjës kontakti).

Ideja e startup-it duhet të jetë origjinale, me potencial për të zgjidhur një problem real ose për të krijuar një produkt/shërbim me vlerë në treg, qoftë edhe në fazë koncepti, por me vizion të qartë për hapat e zbatimit.

DTI.AL ofron:

  • grant zhvillimi për 3 idetë fituese
  • mentorim profesional në:
  • strukturimin e idesë
  • validimin në treg
  • ndërtimin e hapave të parë (MVP, testim, prezantim te klientët e parë, etj.) 

Si të aplikosh?

Aplikimi bëhet duke plotësuar formularin zyrtar të aplikimit që do të publikohet nga DTI.AL (online ose në format tjetër të përcaktuar).

Të gjitha fushat e formularit duhen plotësuar me kujdes, pasi përdoren për:

  • vlerësimin e qartësisë së idesë,
  • inovacionit,
  • potencialit të zbatimit,
  • dhe seriozitetit të aplikuesve.

Fituesit do të njoftohen brenda 15 ditëve pas datës 30 Janar 2026, nëpërmjet email-it dhe kanaleve zyrtare të komunikimit të DTI.AL.